Բովանդակություն * | Սույն թվականի մարտի 26-ին Տաշիր համայնքի ղեկավարի նստավարում կայացավ հերթական խորհրդակցություն։ Խորհրդակցությանը մասնակցում էին Տաշիր համայնքի ղեկավարի տեղակալը, հաամյքնի բնակավայրերի վարչական ղեկավարները, բաժնի պետեր ։ Մինչև Ավագանուն բյուջեի կատրման 1-ին եռամսյակի մասին հաղորդումը ներկայացնելը՝ Տաշիր համայնքի ղեկավար Էդգար Արշակյանը ներկայացրեց բյուջեի եկամուտների և ծախսերի կատարողականը ։ Համայնքի ղեկավարը նկատեց, որ չնայած գրանցվել է եկամուտների հավաքագրման դրական դինամիկա։ Խորհրդակցության ժամանակ համայնքի ղեկավարը հայտնեց, որ ավարտվել են Գերմանիայի միջազգային կազմակերպության կողմից ֆինանսավորվող Տաշիրի քաղաքացիների սպասարկման գրասենյակի վերակառուցման և վերանորոգման աշխատանքերը,որը ներառում էր համայնքապետարանում համապատասխան սենյակի վերանորոգում, համակարգչային սարքավորումների և Համայնքային կառավարման տեղեկատվական համակարգի (ՀԿՏՀ) ներդրում: Մոտ ապագայում սկսվելու են գրասենյակի աշխատանքները։ Քաղաքացիների սպասարկման գրասենյակի (ՔՍԳ) նպատակն է կենտրոնացնել համայնքապետարանի կողմից տրամադրվող ծառայությունների մատուցումը «մեկ պատուհան, մեկ կանգառ» սկզբունքի համաձայն` կիրառելով գերմանական փորձը: Քաղաքացիների սպասարկման գրասենյակը հնարավորություն կտա բարձրացնելու հանրային ծառայությունների արդյունավետությունը, թափանցիկություն և քաղաքացիամետ մոտեցումը։ Քանի որ բնակավայրերում նույնպես տեղադրվել է համայնքային կառավարման տեղեկատվական համակարգ , որը հարթակ է որն հնարավորություն է տալիս համայնքապետարաններին իրականացնել էլեկտրոնային փաստաթղթաշրջանառություն, կառավարել համայնքի բյուջեն և գույքը, տրամադրել տեղեկանքներ և թույլտվություններ, համայնքապետարանի աշխատանքի արդյունավետությունը բարձրացնելու նպատակով Տաշիր համայնքի ղեկավարը վարչական ղեկավարներին հանձնարարեց հետայսու փաստաթղթաշրջանառությունը իրականցնել միայն ՀԿՏՀ համակարգի միջոցով և ապահովել ՀՀ տարածքային կառավարման և ենթակառուցվածքների նախարարի հանձնարականի ժամկետում կատարումը։ |