1․ՀՀ Լոռու մարզի Տաշիր համայնքի ղեկավարի որոշման կարգավորման առարկան․

19․02․2024-ին «ՀՀ Լոռու մարզի Տաշիրի համայնքապետարանը», ի դեմս համայնքի ղեկավար է․ Արշակյանի (այսուհետ՝ Պատվիրատու), մի կողմից և «ԼԵԳԵՆԴԱՐ» ՍՊԸ-ն, ի դեմս տնօրեն Վ․ Ավագյանի (այսուհետ՝ Կատարող), մյուս կողմից, կնքել են Տաշիր համայնքի գիշերային ցանցի շահագործման սպասարկման ծառայությունների մատուցման գնման (N ՀՀ ԼՄՏՀ-ԳՀԾՁԲ-24/06) պայմանագիր, որի համաձայն՝ կատարողը ստանձնել է Տաշիր համայնքի գիշերային լուսավորության ցանցի շահագործման սպասարկման ծառայությունների մատուցման պարտավորությունը։

Պայմանագրի կնքումից հետո «ԼԵԳԵՆԴԱՐ» ՍՊԸ-ն թույլ է տվել իր՝ պայմանագրով ստանձնած պարտավորությունների էական խախտում․մասնավորապես՝ պայմանագրով սահմանված ժամկետում չի իրականացրել սպասարկման ծառայությունները։

2․ Որոշման ընդունման համար հիմք հանդիսացող փաստերը․

Պահմանագրի 1․2-րդ կետի համաձայն՝ ծառայությունը մատուցվում է պայամանգրի N 1 հավելվածով սահմանված տեխնիկական բնութագիր-գնման ժամանակացույցին համապատասխան․

Տաշիր համայնքի գիշերային լուսավորության ցանցի շահագործման սպասարկման ծառայություններ

Անհրաժեշտ է իրականացնել փողոցների, այգիների և զբոսայգիների փչացած, վնասված լուսատուների և լամպերի փոխարինում նորերով, վնասված մալուխների փոխարինում: Վթարված լուսատուների, լամպերի, ավտոմատ ապահովիչների, մալուխների, ճոպանների վերանորոգում կամ փոխարինում սահմանված ժամկետներում (փոքր վթարների դեպքում մինչև 1-2 օրացուցային օր, խոշոր վթարների դեպքում մինչև 7 օրացուցային օր):

Ծառայություն մատուցողը պետք է ունենա փողոցային լուսավորության ցանցի սպասարկման աշխատանքների կատարման համար ավտոաշտարակ, երկարաձգվող, պտտվող օդային հարթակով։ Բարձրացման բարձրությունը առնվազն 9մ:

Ծառայություն մատուցողը պետք է ունենա համապատասխան մասնագետներ /էլեկտրիկ, վարորդ և բանվոր/ լուսավորության ցանցի սպասարկման աշխատանքների իրականացման համար, ինչպես նաև պետք է ապահովի առնվազն մեկ կոնտակտային անձի առկայություն, որը հասանելի կլինի յուրաքանչյուր օրացույցային օր` շուրջօրյա:

Փոխարինման ենթակա լուսատուները, էլեկտրական լամպերը, լուսարձակները, մալուխները, ավտոմատ ապահովիչները և այլ անհրաժեշտ նյութերը տրամադրում է Պատվիրատուն:

Ծառայության մատուցումը կատարողը պետք է իրականացնի Տաշիր համայնքի բոլոր բնակավայրերում:

Պայմանագրի 2․1․3-րդ կետի համաձայն՝ Պատվիրատուն իրավունք ունի միակողմանի լուծել պայմանագիրը, եթե Կատարողն էականորեն խախտել է պայմանագրը։

Կատարողի կողմից պայմանագիրը էականորեն խախտելն էական է համարվում, եթե՝

ա) մատուցված ծառայությունը չի համապատասխանում պայմանագրի N1 հավելվածով սահմանցված պահանջներին,

բ) խախտվել է ծառայության մատուցման ժամկետը։

ՀՀ Լոռու մարզի Տաշիրի համայնքապետարնի կողմից 20․03․2024-ին «ԼԵԳԵՆԴԱՐ» ՍՊԸ-ին տեղեկացվել է լուսավորության ցանցի փոքր խափանումների առկայության մասին Տաշիր, Կաթնառատ, Պրիվոլնոյե, Մեդովկա, Ձորամուտ, Մեծավան և Արծնի բնակավայրերում։

27․03․2023-ին Տաշիր համայնքի Պրիվոլնոյե, Արծնի և Կաթնառատ բնակավայրերի վարչական ղեկավարների շրջայցի արդյունքում պարզվել է, որ լուսավորության ցանցի խափանումները նշված բնակավայրերում վերացված չեն։

ՀՀ քաղաքացիական օրենսգրքի 408-րդ հոդվածի համաձայն՝ «Պարտավորության խախտում է համարվում այն չկատարելը կամ անպատշաճ (կետանցով, ապրանքների, աշխատանքների և ծառայությունների թերություններով կամ պարտավորության բովանդակությամբ որոշվող այլ պայմանների խախտմամբ) կատարելը»։

ՀՀ քաղաքացիական օրենսգրքի 345-րդ հոդվածի 1-ին մասի համաձայն՝ «Պարտավորության ուժով մի անձը (պարտապանը) պարտավոր է մեկ այլ անձի (պարտատիրոջ) օգտին կատարել որոշակի գործողություն. այն է` վճարել դրամ, հանձնել գույք, կատարել աշխատանք, մատուցել ծառայություն և այլն, կամ ձեռնպահ մնալ որոշակի գործողություն կատարելուց, իսկ պարտատերն իրավունք ունի պարտապանից պահանջել կատարելու իր պարտականությունը»։

ՀՀ քաղաքացիական օրենսգրքի 466-րդ հոդվածի 3-րդ մասի համաձայն՝ «Պայմանագիրը լրիվ կամ մասնակի կատարելուց միակողմանի հրաժարվելու դեպքում, երբ պայմանագրից հրաժարվելը թույլատրվում է օրենքով կամ կողմերի համաձայնությամբ, պայմանագիրը համապատասխանաբար համարվում է լուծված կամ փոփոխված»:

Ո Ր Ո Շ ՈՒ Մ Ե Մ՝

Միակողմանի լուծել ՀՀ Լոռու մարզի Տաշիրի համայնքապետարան և «ԼԵԳԵՆԴԱՐ» ՍՊԸ-ի միջև  19․02․2024-ին կնքված  Տաշիրի համայնքապետարանի կարիքների համար Տաշիր համայնքի գիշերային լուսավորության ցանցի շահագործման սպասարկման ծառայությունների մատուցման գնման պայմանագիրը(N ՀՀ ԼՄՏՀ-ԳՀԾՁԲ-24/06)։